AF287b: 67r

ikinci gün hanʿa menzilinde olur ḥarfi vāvdur ẕikre münāsib yā velīy yā vekīl yā // vedūd müdāvemet devr [?] efzūnlıq gösterür āyet‑i münāsib āyetü l‑kürsīdür vefq ėtmelü // olsa bu günde ėdeler ve bu günlerde qul qaravaş almaq ve kitābet ėtmek ve muḥāsebe görmek ve // nāme göndermek ve ḥācet dilemek ve oq atmaq ve yeñi don biçüb geymek bunlarun [!] ems̱āli işler // eyüdür ammā dırnaq kesmek ve qan almaq ve ḥicāmet ėtmek bunlarun [!] ems̱āli işlerde ḥaẕer ėdeler // qaçan qamer sereṭān burcında olsa ol gün gėcesiyle ẕirāʿ menzilinde oldur ḥarfi ẕādur // ẕikre münāsib yā ẕekīy yā ẓāhirdür defʿ‑i ġamm içün müdāvemet ėdeler feraḥ ve sürūr ḥāṣıl // ola ikinci gün nes̱re menzilinde olur ḥarfi ḥādur ẕikre münāsib yā ḥayy yā ḥakīm // yā ḥafīẓ yā ḥalīmdür her nesnenüñ kemālin taḥṣīl ėden mülāzemet ėtseler her vechle mükemmel // ola üçünci gün ṭarfa menzilinde olur ḥarfi ṭīdür ẕikre münāsib yā maẓhardur // mülāzemet ėtseler müşkil işlerden ḥalāṣ [!] ola āyet‑i münāsib Ṭa‑ha mā anzalnā ʿalayka // l‑Qurʾāna li‑tašqā illā taḏkiratan liman yaḫšā vefq ėtmelü olsa bu günde ėdeler bu // günlerde yeñi don biçüp geymek ve sefere gitmek ve müshil eylemek ve nāme yazmaq ve istirāḥat // ėtmek ve ḥammāma varmaq ve gövdeden qıl gidermek bunlarun [!] ems̱āli ġāyet eyüdür ammā // qan almaq ve ʿaqd ve nikāh [!] ėtmek ve bünyād bır[aq]maq bunlarun [!] ems̱āli işlerden ḥaẕer ėdeler // qaçan qamer esed burcında olsa ol gün gėcesiyle cebhe menzilinde olur ḥarfi yādur // ẕikre münāsib yā müyesserdür müdāvemet‑i ūmūr [!] āsānlıġı ṭaleb ėdeler āyet‑i münāsib // Yā‑sīn wa‑l‑Qurʾāni l‑ḥakīmi ʿazīzi r‑raḥīme gelince iş āsānlıġına ol günde vefq // ėdüp getüreler ikinci gün zübre menzilinde olur ḥarfi kāfdur ẕikre münāsib yā // kāfīdür qalb‑i ṣāfī ile teveccüh ėdüb yüz bir kerre her ne murād içün oqurlarsa murād